इङ्लिश प्रिमियर लिग अन्तरगत आइतबार राती भएको खेलमा आर्सनल र टोटनह्याम बराबरीमा रोकिएका छन्।
दुबै टोली २-२ को बराबरीमा रोकिएका हुन्।
हिजोको खेलमा टोटनह्यामले लिएको २-० को अग्रतालाई आर्सनलले बराबरी गर्दै आफूलाई सम्भावित हारबाट जोगायो।
टोटनह्यामका लागि क्रिश्चियन ह्यामले खेलको १० औं मिनेटमा र ४० औं मिनेटमा ह्यारी केनले गोल गरेका थिए। केनले पेनाल्टीलाई गोलमा परिणत गरेका हुन्।
२-० ले पछि परेको आर्सनलले त्यसपछि पहिलो हाफको अतिरिक्त समयको पहिलो मिनेटमा गोल फर्कायो। सो गोल एलेक्सान्ड्र लाकाजेटीले गरे।
यस्तै दोश्रो गोल आर्सनले खेलको ७१ औं मिनेटमा फर्कायो। पिएर एमरिकले सो गोल गर्दै टोलीलाई बराबरीको अवस्थामा ल्याएका थिए।
हिजोको खेलसँगै समान ४-४ खेल खेलेका आर्सनल र टोटनह्याम लिग तालिकाको ५ औं र ९ औं स्थानमा छन्। आर्सनलले ४ खेलबाट ७ अंक जोडेको छ भने टोटनह्यामले ५ अंक जोडेको छ।