फिफा विश्वकप २०२२ र एएफसी एसियन कप २०१३ को छनोट प्रतियोगिताको आफ्नो पहिलो खेलमा नेपालले कुवेतविरुद्ध ७–० को हार बेहोरेको नेपालले मंगलबार आफ्नो दोस्रो खेल खेल्दैछ।
गत बिहीबार कुवेत सिटीमा पीडादायी हार आत्मसाथ गरेको नेपालले मंगलबार चाइनिज ताइपेईसँग उसकै घरेलु मैदानमा खेल्न लागेको हो।
खेल नेपाली समयअनुसार दिउँसो ४:४५ बजे ताइपेइ सिटीमा हुनेछ। खेलअघि नेपाली टिमका प्रशिक्षक योहान कालिनले अघिल्लो खेलमा धेरै गल्ति गरेको बताउँदै ताइपेईसँग अंक जोड्का लागि खेल्ने बताए।
कम्तिमा बराबरी खेल्ने लक्ष्यमा रहेको नेपालले मुख्यगरी रक्षापक्तिमा ध्यान दिनु पर्ने देखिएको छ।
यो पनि : नेपालको ८ वर्ष यताकै खराब प्रदर्शन
नेपाल र चाइनिज ताइपेईबीच पछिल्लो पटक गत जेठमा मैत्रीपूर्ण खेल भएको थियो। सो खेलमा नेपालले ताइपेईलाई उसैको घरेलु मैदानमा १-१ गोलको बराबरीमा रोकेको थियो।
ताइपेईले पनि छनोटको पहिलो खेलमा हार बेहोरेको थियो। ताइपेईलाई एसियाको बलियो राष्ट्र जोर्डनले २-१ ले पराजित गरेको थियो। त्यसैले दोस्रो खेलमा जित निकालेर अंक जोड्न ताइपेईमाथि दबाब छ।
समूह बीमा रहेको नेपालले पहिलो चरणको बाँकी २ खेल एक महिनापछि खेल्नेछ। नेपालले अस्ट्रेलियासँग क्यानबेरामा असोज २३ र असोज २८ मा जोर्डनविरुद्ध खेल्नेछ।
नेपाली टिम
गोलकिपर : किरण चेम्जोङ (कप्तान), विकेश कुथु र विशाल श्रेष्ठ
डिफेन्डर : सरोज दाहाल, अजित भण्डारी, दिनेश राजवंशी, अनन्त तामाङ, देवेन्द्र तामाङ, रजिन धिमाल, रवि सिलवाल
मिडफिल्डर : सुनील बल, रवि पासवान, अन्जन विष्ट, सुजल श्रेष्ठ, हेमन गुरुङ, विक्रम लामा, तेज तामाङ, सन्तोष तामाङ, विशाल राई, रोहित चन्द
फरवार्ड : विमल घर्तीमगर, अभिषेक रिजाल, विमल राना
