च्याम्पियन्स लिग फुटबलमा म्यानचेस्टर सिटीले विजयी सुरूवात गरेको छ।
शाख्तर डोनेस्कलाई म्यानचेस्टर सिटीले पहिलो खेलमा ३-० ले हराउँदै लिगमा विजयी सुरूवात गरेको हो ।
समूह सी अन्तर्गत भएको खेलमा सिटीले डोनेस्कविरूद्ध खेलको पहिलो हाफमा दुई गोल गरेको थियो भने दोश्रो हाफमा तेश्रो गोल गरेको थियो।
बुधबार भएको खेलमा सिटीले २४ औं मिनेटमा रियाद महरेजको गोलमा अग्रता लिएको थियो।
त्यसपछि ३८ औं मिनेटमा आइकेली गुण्डोगान गोल गर्दै सिटीको अग्रतालाई दोब्बर पारे भने खेलको ७६ औं मिनेटमा गाब्रिएल जिससले टोलीका लागि तेश्रो गोल गरे।