सोमबार राती उरूग्वेसँग भएको अन्तराष्ट्रिय मैत्रीपुर्ण खेलमा अर्जेन्टिनाले बराबरी गरेको छ।
उनीहरूले २-२ गोलको बराबरी गरेका हुन्।
खेलको पहिला हाफमा १-० ले पछि परेको अर्जेन्टिका लागि कप्तान लियोनेल मेसीले खेलको अतिरिक्त समयको दोश्रो मिनेटमा गोल गर्दै टोलीलाई सम्भावित हारबाट जोगाएका हुन्।
यस खेलमा उरूग्वेले खेलको ३४ औँ मिनेटमा अग्रता कायम गरेको थियो। उरुग्वेलाई सो अग्रता एडिन्सन काभानीले दिलाएका थिए।
त्यसपछि खेलको ६३ औं मिनेटमा सर्जियो अग्युरोले गोल गरे र टोलीलाई बराबरीमा ल्याए।
सो बराबरी खेलको ६८ औं मिनेटमा लुइस स्वारेजले गोल गरेपछि २-१ को अवस्थामा पुग्यो। तर हारको निकट पुगेको अर्जेन्टिनालाई लियोनेल मेसीले अतिरिक्त समयको दोश्रो मिनेटमा गोल गर्दै बराबरीमा पुर्याए।
