नेपाल एपिएफ क्लब चन्द्रागिरीमा जारी तेस्रो ए डिभिजन मेयर गोल्ड कपको फाइनलमा पुगेको छ।
बुधबार नैकाप खेल मैदानमा भएको प्रतियोगिता अन्तर्गत रुस्लान थ्री स्टार क्लबलाई हराउँदै एपिएफ फाइलनमा पुगेको हो।
निर्धारित समयमा खेल गोलरहित भएपछि टाइब्रेकरमा पुगेको थियो। टाइब्रेकरमा ४-४को बराबरी भएपछिखेल सडनडेथमा पुग्यो। सडन डेथमा एपिएफ ९-८ ले विजयी भयो।
शुक्रबार हुने फाइलनमा एपिएफले अर्को विभागीय टोली नेपाल पुलिस क्लबको सामना गर्नेछ।
ब्रिगेड ब्वाइज क्लबलाई १-० ले हराउँदै पुलिस मंगलबार फाइनल पुगेको थियो।
तेस्रो संस्करणको प्रतियोगितामा ‘ए’ डिभिजनका १० टोली र आयोजकको दुई गरी १२ टोलीको सहभागिता रहेको छ।
१४ मंसिरमा फाइनल खेल हुनेछ।
विजेताले ६ लाख ५० हजार रुपैयाँ पाउनेछ भने उपविजेताले ३ लाख ५० हजार रुपैयाँ हात पार्नेछ।
त्यसैगरी, सर्वोत्कृष्ट खेलाडी र सर्वाधिक गोलकर्ताले समान ३० हजार रुपैयाँ प्रदान गरिनेछ।
पहिलो संस्करणमा हिमालय शेर्पा क्लब तथा दोस्रो संस्करणमा च्यासल युथ क्लब च्याम्पियन बनेको थियो ।
