लेइस्टर सिटीलाई पराजित गर्दै एस्टन भिल्ला कारावाओ कपको फाइनलमा प्रवेश गरेको छ।
मंगलबार भएको सेमिफाइनलको दोश्रो लेगमा लेइस्टर सिटीलाई २-१ गोल अन्तरले पराजित गरेपछि भिल्ला समग्रमा ३-२ ले विजयी हुँदै फाइनलमा प्रवेश गरेको हो।
भिल्लाको जितमा ट्राजागेको गोल निर्णायक बन्यो।
उनले १-१ को बराबरीमा रहेको अवस्थामा वैकल्पिक खेलाडीका रुपमा मैदान छिरेका अहमद अल्मोहामदीको उत्कृष्ट क्रसलाई गोलमा परिणत गर्दै भिल्लालाई जित दिलाएका थिए।
त्यसअघि खेलमा पहिलो अग्रता पनि एस्टन भिल्लाले नै लिएको थियो। भिल्लाले खेलको १७ औं मिनेटमा म्याट टार्गेटको गोलमा अग्रता लिएको थियो।
सो अग्रतालाई लेपस्टर सिटीले खेलको ७२ औं मिनेटमा बराबरी गरेको थियो। उसका लागि सो गोल केलेची इहिनाचोले गरेका हुन्।
फाइनलमा भिल्लाको भेट म्यानचेटर सिटी तथा म्यान्चेस्टर युनाइटेडबीचको खेलको विजेतासँग हुनेछ।
