इटालियन सिरी एमा एसी मिलानलाई ४-२ गोल अन्तरले पराजित गरेपछि इन्टर मिलान युभेन्टसलाई पछि पार्दै लिगको शीर्ष स्थानमा पुगेको छ।
लिगमा समान २३ खेलबाट ५४-५४ अंक जोडेको भएपनि इन्टर मिलान गोल अन्तरका आधारमा युभेन्टसलाई पछि पार्दै शीर्ष स्थानमा पुगेको हो।
इन्टर मिलानले पहिलो हाफमा एसी मिलानले लिएको २-० को अग्रतालाई दोश्रो हाफमा उल्ट्याउँदै नतिजा आफ्नो पक्षमा पारेको हो।
खेलमा एसी मिलानले खेलको ४० तथा पहिलो हाफको अतिरिक्त समयको पहिलो मिनेटमा गोल गर्दै २-०ले पछि पारेको थियो।
त्यसपछि इन्टरमिलानले खेलको ५१, ५३, ७० तथा अतिरिक्त समयको तेश्रो मिनेटमा गोल गर्दै नतिजा आफ्नो पक्षमा पार्यो।
उसका लागि ती गोलहरु क्रमशः ब्रोजोविक, भेकिनो, डि भ्रिज तथा रामेलु लुकाकुले गरेका हुन्।
यस्तै एसी मिलानका लागि रेबिक तथा जाल्टनले गोल गरेका थिए।
