नोभल कोरोनोभाइरसलाई लिएर सामाजिक संजालमा ठट्टा गरेकोमा टोटेनहम हटस्परका मिडफिल्डर डेल अल्लीले माफी मागेका छन्।
उनले 'मैले आफू र क्लबलाई तल पारें' भन्दै माफी मागेका हुन्।
२३ वर्षिय अल्लीले स्न्यापच्याटमा एउटा भिडिओ राख्दै कोरोनोभाइरसको महामारीलाई हाँसोमा उडाउँदै र एक एसियाई पुरुषको खिसी गरेका थिए।
पछि उनले सो पोस्ट हटाउँदै चिनियाँ सामाजिक संजाल विबिबोमा अर्को भिडिओ पोस्ट गर्दै माफी मागेका थिए।
यो घटनापछि फुटबल एसोसिएसनले अल्लीसँग घटनाका बारेमा उनको दृष्टिकोण मागेको छ।
चीनमा हालैका दिनमा फैलिरहेको कोरोना भाइरसका कारण ९ सय जना भन्दा बढीको ज्यान गइसकेको छ भने संक्रमणका ४० हजार मामिलाहरु पुष्टि भइसकेका छन्।
अल्लीले पोस्ट गरेको भिडिओमा उनलाई विमानस्थलको लङमा मास्क लगाएको देख्न सकिन्छ। त्यसपछि उनले एसियाई मूलका मानिसको अनुहार क्यामरामा देखाउँछन् र पछि एन्टिसेप्टिक ह्यान्ड वासको बोतललाई जुम गर्छन्।
'यो वास्तवमै रमाइलो थिएन र मैले तुरुन्तै यसलाई महशुस गरें र यसलाई हटाए। मैले मलाई र क्लबलाई तल झार्ने काम गरें', उनले भने।
'यो कुनै ठट्टा गर्ने विषय थिएन। चीनमा रहेका सबैलाई मेरो माया, सदभाव र प्राथना छ।'
