नेकपा माओवादीले आब्हान गरेको रुपन्देही बन्दका कारण यहाँको जनजीवन पनि प्रभावीत भएको छ। आफ्ना कार्यकर्ता माथि लगाइएको झुट्टा मुद्धा फिर्ता गरी रिहा गर्नु पर्ने र हिरासतमा लिइएका कार्यकर्ताको मुत्यृको प्रतिवेदन सार्वजनिक गरी दोषीलाइ कारवाही लगायतका माग राखेर नेकपा माओबादी रुपन्देहीले आज जिल्ला बन्द गरेको हो।
बुटवल भैरहवा लगायतका जिल्लाहरुमा बिहानैदेखि बन्दको प्रभाव परेको छ।
बुटवल भैरहवा बजार ठप्प छ। यातायातका साधन चलेका छैनन्। स्कुल कलेज, उद्योग कलकारखाना बन्द छन्।
जिल्ला बन्दकै कारण पुर्वबाट पश्चिमका लागि छुटेका लामो तथा छोटो दुरीका दर्जनौ सवारी साधन नवलपरासीको बर्दघाट, सुनवल, खैरेनी लगायतका स्थानमा रोकीएका छन भने पश्चिमबाट पूर्वका लगि छुटेका गाडीहरु कपिलबस्तुको चन्द्रौटा गोरुसीङ्गे, बनगाइ, पिपरामा रोकीएका छन। त्यस्तै पाल्पा, गुल्मी अर्घाखाँची, कास्की स्याङ्गजाबाट बुटवल भैरहवाका लागि छुट्ने सवारी साधन पनि पाल्पामै रोकीएका छन।
।
बिच बाटोमै सवारी साधनहरु रोकीदा सयौ यात्रुहरुले सास्ती खेप्नु परेको छ।
गत जेठ ९ गते जिल्लामा चलेको एकिकृत घुम्ति शिविरमा नागरिकता वितरणको विषयलाइ लिएर टोली सगं भएको विवाद पछि पार्टीका जिल्ला कमिटि सदस्य परदेसी यादवलाइ प्रहरीले पक्राउ गरेको थियो। यादवलाइ बिना कसुर पक्राउ गरिएको भन्दै बिना शर्त रिहाइको माग गरिएको छ।
बन्दकर्ताले भैरहवा लुम्बिनी सडक खण्डमा लु १ ख ७८१६ नम्बरको ट्रकमा तोडफोड गरेका छन्। बन्द गराउदै हिँड्ने ५६ जनालाई प्रहरीले बुटवल, भैरहवा, धकधही, सालझण्डी लगायतका स्थानबाट पक्राउ गरेकेा छ।